سپریم کورٹ ۔ متحدہ عرب امارات میں مزید 96 پاکستانیوں کی جائیدادوں کا سراغ

Khaleej UAE middle east dubai
26

مانیٹئرنگ ڈیسک( 24 گھنٹے)

Dubai Properties

ایف آئی اے ( فیڈرل انوسٹی گیشن ایجنسی ) نے متحدہ عرب امارات میں مزید 96 پاکستانیوں کی جائیدادوں کا سراغ لگا لیا۔

سپریم کورٹ آف پاکستان میں پاکستانیوں کی بیرون ملک جائیدادوں کے کیس کی سماعت کے دوران ایف آئی اے کی جانب سے رپورٹ پیش کر دی گئی۔ایف آئی اے کی رپورٹ میں کہا گیا ہے کہ یو اے ای میں پاکستانیوں کی جائیدادوں کی تعداد بڑھ کر ایک ہزار 211 ہو گئی، مزید 341 لوگوں کو نوٹسز جاری کیے گئے ہیں۔

ایف آئی اے کی رپورٹ کے مطابق جائیداد رکھنے والے 61 افراد کی شناخت نہیں ہو سکی، ایک شخص مفرور جبکہ 5افراد انتقال کر چکے ہیں جبکہ 10 افراد ایف آئی اے سے تعاون نہیں کر رہے۔ایف آئی اے کی رپورٹ میں یہ انکشاف بھی کیا گیا ہے کہ 167 افراد کے خلاف انکوائری بند کر دی گئی ہے۔

جواب چھوڑیں