سلووینیا میں خاتون میجر جنرل الینکا ارمینس کو آرمی چیف مقرر کردیا گیا

Women Army Chief
3

مانیٹئرنگ ڈیسک(24 گھنٹے)

Women Army Chief

نیٹو ملک سلووینیا نے میجر جنرل الینکا ارمینس کو ملک کی آرمی چیف مقرر کردیا۔

خبر رساں ادارے رائٹرز کے مطابق الینکا ارمینس کو سلووینین فوج کی پہلی خاتون چیف آف جنرل اسٹاف ہونے کا اعزاز حاصل ہے، جو اپنے پیش رو ایلان گیدر کی جگہ چارج سنبھالیں گی۔

الینکا ارمینس 1991 سے سلووینیا کی فوج سے منسلک ہیں، یہ وہی سال ہے جب سلووینیا نے یوگوسلاویہ سے آزادی حاصل کی تھی۔

انہوں نے لندن کے رائل کالج آف ڈیفنس اسٹڈیز اور کنگز کالج یونیورسٹی سے تعلیم حاصل کی۔

ارمینس کی بطور آرمی چیف تقرری رواں برس ستمبر میں وزیراعظم مرجان سارک کے اقتدار میں آنے کے بعد عمل میں آئی ہے، جو جون میں ہونے والے عام انتخابات کے نتیجے میں منتخب ہوئے تھے۔

جواب چھوڑیں