کشمیریوں نے حق پر قائم رہتے ہوئے سنت امام حسینؓ کو زندہ رکھا۔۔ وزیراعظم عمران خان

Imran Khan
9

مانیٹئرنگ ڈیسک اسلام آباد:   (24 گھنٹے)

PM Message

وزیر اعظم عمران خان کا کہنا ہے کہ کربلا کی طرح کشمیر بھی معرکہ حق و باطل کی ایک عظیم مثال ہے۔ کشمیریوں نے حق پر قائم رہتے ہوئے سنت امام حسینؓ کو زندہ رکھا۔

وزیر اعظم عمران خان نے یوم عاشور کے موقع پر قوم کے نام اپنے پیغام میں کہا کہ آج حرمت والے مہینے محرم الحرام کی 10 تاریخ ہے، دنیا بھر کے مسلمان حضرت امام حسینؓ کی لازوال قربانی کی یاد تازہ کرتے ہیں۔

وزیر اعظم نے کہا کہ تاریخ اسلام میں یوم عاشور کی الگ اور خاص اہمیت ہے۔ یہ رفعت و بلندی امام عالی مقام کی شہادت اور واقعہ کربلا کی بدولت حاصل ہوئی۔ کربلا کا معرکہ یاد دلاتا ہے کسی قربانی سے دریغ نہیں کیا جاسکتا۔ بچوں جوان بیٹوں اور بھائیوں کو راہ خدا میں نچھاور کرنا سر بلندی ہے۔

انہوں نے کہا کہ جذبہ شبیری ایمان و یقین، سچائی اور اصول پرستی کی روایت کو جلا بخشتا ہے۔ واقعہ کربلا اسلام کے ابدی پیغام اور جذبہ قربانی کی آبیاری کا سر چشمہ ہے۔ میرے نزدیک اسوہ حسینؓ کا پیغام ہر قلب سلیم کے لیے ہے۔

وزیر اعظم عمران خان نے کشمیر میں بھارتی سامراج سے برسرِ پیکار عوام کی قربانیوں کو خراج تحسین پیش کرتے ہوئے کہا کہ کشمیریوں نے حق پر قائم رہتے ہوئے سنت امام حسینؓ کو زندہ رکھا۔ کربلا کی طرح کشمیر بھی معرکہ حق و باطل کی ایک عظیم مثال ہے۔

جواب چھوڑیں