نامزد گورنر سندھ عمران اسماعیل کو مزار قائد میں داخلے کی اجازت نہ ملی

Imran Ismail
15

مانیٹئرنگ ڈیسک (24 گھنٹے)

Nominated Governor

یوم آزادی پر مختلف سیاسی جماعتوں کے رہنما مزار قائد پر حاضری دیتے رہے تاہم نامزد گورنر سندھ عمران اسماعیل اور پی ٹی آئی رہنماوں کو مزار میں داخلے کی اجازت نہ ملی۔

نامزد گورنر عمران اسماعیل، حلیم عادل شیخ، فروس شمیم نقوی، خرم شیر زمان اور دیگر پی ٹی آئی رہنما مزارِ قائد کے دروازے پر کھڑے رہے، انہیں بانی پاکستان محمد علی جناحؒ کے مزار میں داخلے سے روک دیا گیا۔

دوسری جانب نامزد وزیراعلیٰ سندھ مراد علی شاہ اور پی پی اراکین مزارقائد میں پروٹوکول کے ساتھ موجود تھے۔

اس صورت حال پر عمران اسماعیل نے شدید برہمی کا اظہار کیا اور مطالبہ کیا کہ پیپلزپارٹی اپنے پروٹوکول کو تبدیل کرے، 40گاڑیاں لا کر روڈ بند نہیں کرنا چاہیے۔

جناح کیپ پہن کر آنے والے عمران اسماعیل اور دیگر رہنما داخلے کی اجازت نہ ملنے پر مزار کے گیٹ سے ہی فاتحہ پڑھ کر واپس روانہ ہو گئے۔

جواب چھوڑیں